කැනඩාව සමග තිබූ සියලු සබදතා අත්හැරීමට සෞදිය තීරණය කරයි

0
9

Image result for saudi and canada

කැනඩාව සමඟ සියලූ රාජ්‍ය තාන්ත්‍රික සහ වෙළඳ සබදතා වහාම ක්‍රියාත්මක වන පරිදි අත්හිටුවීමට සෞදි අරාබිය තීරණය කර ඇතැයි විදසේ වාර්තා පවසයි.

දැනට එරට අත්අඩංගුවේ සිටින සිවිල් සමාජීය හා කාන්තා අයිතිවාසිකම් වෙනුවෙන් පෙනී සිටින කැනේඩියානු පුරවැසිභාවය හිමි සමර් බඩාවි ඇතුළු ක්‍රියාකාරීන් නිදහස් කරන මෙන් ඉල්ලා කැනඩා විදේශ කටයුතු ඇමතිවරිය සිදුකළ ඉල්ලීමක්, මෙම තීරණය ගැනීමට හේතු වී ඇති බවයි සෞදි රජය පවසන්නේ.

මෙය සෞදි රජයේ කටයුතුවලට අනවශ්‍ය අතපෙවීමක් ලෙස ඔවුන් පෙන්වා දී ඇති අතර සෞදියේ සිටින කැනේඩියානු තානාපතිවරයාට පැය 24ක් තුළ රටින් පිටවන ලෙස ද දැනුම් දී ඇත.

මේ අතර විදෙස් වාර්තාවල දැක්වෙන්නේ කැනඩාවේ සිටින සෞදි තානාපතිවරයාට යළි සිය රට පැමිණෙන ලෙසත් නියෝග කර ඇති බවය.

එමෙන්ම වහාම ක්‍රියාත්මක වන පරිදි සෞදි ගුවන් සේවය කැනඩාව සමඟ ගුවන් ගමන් ද සම්පූර්ණයෙන්ම නවතා දමා ඇති බව ද සදහන්.

LEAVE A REPLY

Please enter your comment!
Please enter your name here