ද්විත්ව පුරවැසියන්ට ලංකාවේ ඉහළ තනතුරු දෙන්න එපා-පැෆරල් ඉල්ලයි

0
44

රට වෙනුවෙන් තීන්දු තීරණ ගන්නා රාජ්‍ය නිලධාරින් පත් කරන විටදී ද ද්විත්ව පුරවැසි භාවය ඇති අය පත් නොකිරීමට වග බලා ගන්නැයි පැෆරල් සංවිධානය බලධාරින් ගෙන් ඉල්ලීමක් කරයි.

එසේ ද්විත්ව පුරවැසි භාවය ඇති පුද්ගලයින් ප‍්‍රබල තනතුරුවලට පත් කිරීම වැළකෙන පරිදි නීති සකස් කරන්නැයි ප‍්‍රතිපත්ති සම්පාදකයින්ගෙන් ඉල්ලා සිටින  බව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි පැවසිය.

විශේෂයෙන් රට වෙනුවෙන් තවත් රටවල් සමඟ ගිවිසුම් අස්සන් කරන්නට ඉඩකඩ ඇති තනතුරුවලට ද්විත්ව පුරවැසිභාවය ඇති තැනැත්තන් පත් කිරීමෙන් වළකින ලෙසත් ඔහු සඳහන් කරයි.

තවද ඉහළ පෙළේ රාජ්‍ය නිලධාරින්ට ද්විත්ව පුරවැසි භාවය තිබීමෙන් විශාල හානියක් විය  හැකි බව පෙන්වා දෙන ඔහු  යම් අවස්ථාවක දෙරටක් අතර ගිවිසුමක් අස්සන් කරනවිට අදාල නිලධාරියාගේ පුරවැසිභාවය ඇති අනෙක් රට සමග අදාල ගිවිසුම අස්සන් කරන්නට වුවහොත් එවැනි අවස්ථාවක දී බලපෑම්වලට යටත් වන්නට ඇති ඉඩකඩ වැඩි බවද සඳහන් කරයි.

පසුගිය සමයේ මහත් ආන්දෝලනයට තුඩු දුන් හිටපු මහ බැංකු අධිපතිවරයාගේ සිද්ධියේ දී ඔහු ද්විත්ව පුරවැසිභාවය සහිත පුද්ගලයෙකු වීම ද විශාල ප‍්‍රශ්නයක් වූ බව හෙතෙම පෙන්වා දෙයි.

LEAVE A REPLY

Please enter your comment!
Please enter your name here