රියදුරු බලපත්‍රය ගන්න අලුත්ම Online ක්‍රමයක් මැයි 01වනදා සිට

0
104

Image result for licence sri lanka

මෝටර් රථ පනතට අනුව රියෑදුරු බලපත්‍රයක්‌ ලබා ගැනීමේදී මෙතෙක්‌ ක්‍රියාත්මක කර තිබෙන ලිඛිත පරීක්‌ෂණය වෙනුවට ලබන මස (මැයි) 01 වැනිදා සිට පරිගණකයකින් ලබාදෙන ප්‍රශ්න පත්‍රයකට පිළිතුරු සැපයීමේ ක්‍රමවේදයක්‌ හඳුන්වා දෙන බව මෝටර් රථ ප්‍රවාහන කොමසාරිස්‌ ජනරාල් ජගත් චන්ද්‍රසිරි මහතා පැවසීය.

මෙහිදී පරිගණකයෙන් ලබාදෙන ප්‍රශ්න පත්‍රයට නිවැරදි පිළිතුරු පරිගණකය ආධාරයෙන්ම  සැපයිය යුතු වේ. පැයක්‌ ඇතුළත පිළිතුරු සැපයූ අයෑදුම්කරුට එම අවස්‌ථාවේම ප්‍රතිඵල වාර්තාවක්‌ පරිගණකයෙන් නිකුත් කරන බව එම දෙපාර්තමේන්තුවේ පෙරේදා (09දා) පැවැති මාධ්‍ය හමුවකදී කොමසාරිස්‌ ජනරාල්වරයා කියා සිටියේය.

මේ වනවිට වැඩ කරන දින පහ ඇතුළත එක්‌ දිනකදී අයෑදුම්කරුවන් 600 ක්‌ පමණ ලිත පරීක්‌ෂණයට ඉදිරිපත් වන බවත් එය පරිගණක ඇසුරින් සිදු කිරීමේදී දිනකට 1000 කට පමණ සේවාවන් සැපයීමට අපේක්‌ෂා කර ඇති බවත් හෙතෙම කීය. නව ක්‍රමය අනුව අපේක්‌ෂකයාට හැකි වේලාවක (වැඩ කරන) පැමිණ පිළිතුර ලබාදීමට හැකි වේ.

ලිඛිත පරීක්‌ෂණයට යොදා ගන්නා ප්‍රශ්න පත්‍ර 4 ම ඇතුළත් ප්‍රශ්න පත්‍ර පරිගණකයට පිළිතුරු සැපයීමට සඳහා මේ වනවිට අඩංගු කර තිබෙන බවත් නව ප්‍රශ්න පත්‍රයක්‌ හඳුන්වා දීමට රියෑදුරු පාසල් සමඟ සාකච්ඡා කරමින් සිටින බවත් හෙතෙම කීය.

මෙහි ප්‍රථම පියවර වේරහැර මෝටර් රථ ප්‍රවාහන කොමසාරිස්‌ කාර්යාලයේ ආරම්භ කර දෙවැනි පියවර ලෙස දිවයින පුරා පිහිටා ඇති ඔන් ලයින් සේවාව සහිත කුරුණෑගල, ගම්පහ, හම්බන්තොට, අනුරාධපුර ඇතුළු කාර්යාල 08 තුළ මෙය ආරම්භ කරන බවද ඒ මහතා පැවසීය. මෙම ව්‍යාපෘතිය 2020 වනවිට මුළු දිවයිනම ආවරණය කරමින් ක්‍රියාත්මක කිරීමට මෝටර් රථ ප්‍රවාහන දෙපාර්තමේන්තුව අපේක්‌ෂා කරයි.

 

LEAVE A REPLY

Please enter your comment!
Please enter your name here