ධවාන් අපිට අත වැනුවා – ඊයේ තරගයේ සිදු වූ අපූරු දෙයක් ප්‍රෙක්ෂකයෙක් කියයි

0
1543

Image result for Shikhar Dhawan

ඊයේ තරගයේ සිදුවීමක්  පිළබඳ තරුණයකු විසින් තැබූ අපුරු සටහනකි

මමත් ඊයේ තිබ්බ මැච් එක බලන්න ප්‍රේමදාස ග්‍රවුන්ඩ් එකට ගියා. මැච් එක පටන් ගන්නකම් නොඉවසිල්ලෙන් බලන් හිටියේ. මොකද පින්න නිසා මැච් එක පටන් ගන්න පරක්කු වුන නිසා. කෝමෙන් කෝම හරි ටොස් එක දාලා ඉන්දියාව බෝල් කරන්න ආපු වෙලාවෙ ඉඳන් ෆීල්ඩ් කරලා ඉවර වෙනකම් ඉන්දීය ආරම්භක පිතිකරු ශිඛර් දවාන් හිටියේ අපි හිටපු තැන ලඟින්මයි. ප්‍රේක්ශකාගාරයේ හිටපු අපි ලංකාවට සපෝට් කරද්දි ශිඛර් දවාන් අපිත් එක්ක සුහදව හිනාවෙලා අත වැනුවේ බොහොම ලෙන්ගතු කමකින් බව තේරුණා. කිසිදු ආඩම්බරකමක් නොමැතිව නිතරම හිනා වෙමින් අත වනමින් ප්‍රේක්ශකාගාරය එක්ක සුහදව ඉන්න කලාව ඔහු මනාව ප්‍රගුණ කර තිබුනා.
තවත් එක උදාහරණයක් තමයි සුරංග ලක්මාල් පන්දුවේ මාර්ගයට අවහිර කිරීමේ චෝදනාවට ලක්වූ අවස්ථාව. එම අවස්තාවේ ප්‍රේක්ශකාගාරය අදහාගත නොහැකිව දෙගිඩියාවෙන් සිටි මොහොතක ඒ දෙසට හැරුණු ශිඛර් දවාන් අතින් පෙන්වූයේ ලක්මාල් නොදැවුණු ක්‍රීඩකයෙක් බවත් ප්‍රේක්ශකාගාරයට බිය වීමට අනවශ්‍ය බවත්ය. තවද පලමු ඉනිම අවසන ප්‍රේක්ශකාගාරය දෙසට හැරී හාදුවක් පවා ලබාදීමෙන් පසුවය ශිඛර් දවාන් යලිත් විවේකාගාරය කරා ගමන් කරේ. මෙබඳු හැසිරීමක් ඉන්දීය ක්‍රීඩකයෙක්ගෙන් බලාපොරොත්තු විය හැකිද? මට නම් එය අදහාගත නොහැකි කරුණක්ම විය.
කණගාටුවට කරුණ වනුයේ ශ්‍රී ලංකාව පන්දු රැකීමේ අවස්ථාව එලැඹි විටය. අප සිටි ස්ථානයේ කුසල් මෙන්ඩිස් හා උපුල් තරංග පන්දු රැක්කද ඔවුන් ප්‍රේක්ශකාගාරය දෙස එකදු බැල්මක් හෝ නොහෙලුවේය. උගුර ලේ රහ වනතුරු කෑගසමින් ඔවුන් දිරිගන්වන ප්‍රේක්ශකයන් වෙත ඔවුන් දක්වන ගරුත්වයද මේ? “මුන් එක්ක බලද්දි ශිඛර් දවාන් කොච්චර හොඳද” යනුවෙන් මා අසල සිටි තරුණයෙක් පැවසුවේ ඔහුටත් මෙම සිතුවිල්ලම ඇතිවූ නිසා නොවේද? ප්‍රේක්ශකාගාරය ඔවුන්ගේ නම කියා ආමන්ත්‍රණය කරනා විටක වුවද එය දෙසට මොහොතක්වත් දෑස් යොමු නොකිරීමට තරම් උද්දච්ඡ පිරිසක්ද මොවුන්?
කෙසේ හෝ අවසන සිදු වූයේ ඊයේ c-block එකේ සිට තරඟය නැරඹූ බහුතරයකගේ සිත දිනාගැනීමට ශිඛර් දවාන් නම් සොඳුරු ක්‍රීඩකයා සමත් වූ බවම පමණකි…

ප.ලි. මෙය හදවතින්ම ශ්‍රී ලංකා ක්‍රිකට් කෙරෙහි ආදරය කරනා ෆෑන් කෙනෙකුගේ සිතුවිල්ලකි. ඉන්දියාවට කඩේ යනවා යැයි පවසා රෙදි උස්සාගෙන බැනීම අනවශය බව කරුණාවෙන් සලකන්න.

උපුටා ගැනීමකි-Face book

LEAVE A REPLY

Please enter your comment!
Please enter your name here