හැඩට ඉන්න බතල කන්න

0
50

බතල නම ඇසූ පමණින් අපි එතරම් සැලකිල්ලක්‌ දක්වන ආහාරයක් නෙවෙයි නේද? ඇතැම් පිරිස්‌ අපෝ බතල කන්න බෑ, තර වෙනවා. ශීත ගුණයත් තිබෙන නිසා සෙමට හොඳ නෑ, තවත් පිරිසක්‌මට දියවැඩියාව ඒ නිසා මම බතල කන්නෙ නැහැ යන අශුභ වදන් පවසනවා ඔබට නිතර නිතර ඇසෙනවා දේවල්.

එහෙත් බතල කියන්නේ ඉතා ගුණවත් ආහාරයක්‌ බව මෑතක දී පර්යේෂකයින් විසින් සොයා ගෙන තිබෙන බව ඔබ දන්නවාද?

ඉංග්‍රීසියෙන් Sweet potato යන නමින් හඳුන්වන බතල ඉපෝමියා බටාටාස්‌ යන විද්‍යාත්මක නාමයෙන් හඳුන්වයි. ශ්‍රී ලංකාවේ ජනයා පරම්පරා ගණනාවක සිට බතල පිළිබඳව දැන සිටියේ ය.

ඔවුන් බතල වැඩි වශයෙන් උදැසන ආහාරයට ගනු ලැබුවේ තම්බා පොල් හා ලුණු, මිරිස්‌ සමග ය. එය ඔවුන්ගේ ප්‍රණීත ආහාරයක්‌ විය. තව ද බතල විවිධ ප්‍රණීත ආහාර ලෙසට ද සකස්‌ කර ආහාරයට ගනු ලැබී ය.

ඔබ සිතන්නේ බතල ඉතා අගුණ සිරුර තරබාරු කරන ආහාරයක් ‌විදියටනේ විය හැකි ය. නමුත් බතල කියන්නේ කාබෝහයිඩ්‍රේට්‌, ප්‍රෝටීන්, ජලය, මේදය, ග්ලූකෝස්‌, තන්තු, විටමින් A, විටමින් C, විටමින් E, පොටෑසියම් පොස්‌පරස්‌, ඛනිජලවණ ආදී බොහෝ පෝෂණ ගුණයන්ගෙන් අනූන වු ආහාරයකි.

නවතම සොයා ගැනීම්වලට අනුව බතල යනු ලෝකයේ බොහෝ රටවල වෙසෙන දරුවන්ගේ විටමින් A ඌනතාවය දුරු කිරීම සඳහා ආහාරයට ගැනීමට අනිවාර්යය කර තිබෙන ආහාරයකි‌

ඔබ බතල ආහාරයට ගන්න බියක්‌දක්‌වන්නේ පිෂ්ඨය අධිකව තිබෙනවා යන බිය නිසා නොවේ ද? නමුත් ඔබ දන්නවා ද? බතල කියන්නේ ජල ගබඩාවක්‌, මේදය සුළු වශයෙන් ද, තන්තු (කෙඳි) බහුල වශයෙන් ද තිබෙන නිසා තරබාරුව මට්‌ටු කරන ආහාරයක්‌. තරබාරු අයෙකුටත් සිරුර කෙසඟ අයකුට වුව ද බතල ආහාරයට ගැනීමට බියක්‌ ඇති කර ගැනීමට අවශ්‍ය නොවේ. මන්ද කාන්තා සිරුර හැඩ කර ගැනීමට බතල උපකාරී වනවා මිසක සිරුර අවලස්‌සන කිරීමට බතල උපකාරී නොවන නිසා ය.

තව ද ඔබේ සිරුරේ සම ආරක්‌ෂා කිරීමේ ගුණයත්, බතල සතුව පවතී රුධිර පීඩනය අවම කරන බතල විටමින් C අන්තර්ගත නිසා සෙම් රෝගවලින් ද ඔබව ආරක්‌ෂා කරයි. එසේ ම අවදානම් හෘද රෝගී තත්ත්වයන් අඩු කරන බතල මළ බද්ධය දුරු කිරීමට ද මහෝපකාරී වේ.

දියවැඩියා රෝගීන්ට ද අගුණ නොවන මෙය ඔබගේ නිරෝගීතාවය උදෙසා හා පවුලේ නිරෝගීතාවය උදෙසා ගුණ දායක බතල අලයක්‌ උදෑසන ආහාරයට එක්‌ කර ගැනීමට ඔබත් අමතක කරන්න එපා.

LEAVE A REPLY

Please enter your comment!
Please enter your name here